அவ்ரங்காபாத் கலவரம் – ஸ்பெஷல் ரிப்போர்ட்!

“எந்தவொரு கலவரம் தொடர்ந்து 4மணி நேரத்திற்கும் அதிகமாக நடைபெறுகிறதோ அக்கலவரத்தை அம்மாநில அரசுதான் முழுவதுமாக இயக்குகிறது.” என்றார் முன்னாள் ஐ.ஏ.எஸ். அதிகாரி ஹர்ஸ் மந்தீர் அவர்கள். ஹர்ஸ் அவர்கள் கூறியதுதான் உன்மை. சிறுபான்மையினர் மற்றும் தலித்கள் மீதான நாட்டில் நடைபெற்ற கலவரங்கள் அனைத்தும் தொடர்ந்து 4மணி நேரத்திற்கு அதிகமாகவே நடைபெற்றிருகிறது. 2002இல் நடைப்பெற்ற குஜராத் இனசுத்திகரிப்பாக இருக்கட்டும், 2012இல் நடைபெற்ற முஷாபர்நகர் கலவரமாக இருக்கட்டும், சமீபத்தில் நடைபெற்ற தூத்துக்குடி துப்பாக்கி சூடாக இருக்கட்டும் அனைத்தும் ஆக சிறந்த உதரணங்கள்.

இருவேறு பிரிவினருக்கிடையே நடைப்பெறும் சண்டை மற்றும் தாக்குதல்கள் எப்போதும் அதிக நேரம் நீடிப்பத்தில்லை, எதோவொரு தரப்பு சண்டையை நிறுத்திக்கொள்ளும் அல்லது சண்டையின் உக்கிரம் குறைந்து தானாகவே நின்று போகும். ஆனால் திட்டமிட்டு நடைபெறும் கலவரங்கள் தான் எந்த தடையும் இன்றி தொடர்ந்து நடைபெறும். இது மிகப்பெரிய அளவிற்கு நடத்த அந்த மாநில அரசின் உதவிகள் மிகவும் முக்கியம். ஆகையால் தான் குறிபிட்ட சமூகத்தினர் மீது நடத்தப்பட்ட அனைத்து கலவரத்திலும் ஆளும் மாநில அரசின் உதவிகரங்கள் இருப்பது விசாரணையில் வெளிவந்துள்ளது.

பாஜக மத்தியில் ஆட்சிக்கு வந்து நான்கு ஆண்டுகள் நிறைவடைந்த நிலையில் நிறைவு விழாவை பாஜக நாடு முழுவதும் நடத்தி வருகிறது.நாட்டின் பொருளாதாரம், அரசியலமைப்பு, மதசார்பின்மை, சமூக நீதி, அமைதி என்று எல்லாவற்றின் மீதும் ஆளும் பாஜக அரசு படுகொலையை நடத்தி நாட்டை அகல பாதளத்திற்கு போய் தள்ளிவிட்டது. குறிப்பாக பாஜக ஆட்சியில் தான் சிறுபான்மை மற்றும் தலித்கள் மீதான கலவரங்களின் எண்ணிக்கை கணிசமாக அதிகரித்துள்ளது.

இதுதான் கடைசி என்று நம்மால் குறிப்பிட முடியாத அளவிற்கு நாட்டில் அங்காங்கே கலவரங்கள் நடைபெற்றுக்கொண்டே இருக்கிறது. இந்த அனைத்து கலவரத்தின் பின் ஏதோவொரு வடிவத்தில் இந்துத்துவ அமைப்பினர் இருந்து வருகின்றனர். அப்படி நாட்டின் வர்த்தக தலைநகரம் என்றழைக்கப்படும் மும்பைக்கு 350கி.மி. தொலைவில் உள்ள அவ்ரங்கபாத் என்ற வரலாற்று சிறப்புமிக்க இடத்தில் முஸ்லிம்களுக்கு எதிராக இந்துத்துவ அமைப்பினர் திட்டமிட்ட கலவரத்தை கடந்த மே மாதம் நடத்தியுள்ளனர்.

புத்த மதத்தின் அடையாளமான அஜந்தா-எல்லோர குகை, முகலாய அடையாளமான பிபி கா மக்பாரா மற்றும் இந்துக்களின் புராதன கோயில் கிரிஹ்நேஷ்வர் கோயில் இங்கு தான் உள்ளது. மதங்களிடையே எந்த பிரச்சனையும் இல்லாத சமாதான பகுதியாக விளங்கிய பகுதியில் தான் இந்துத்துவ அமைப்பினர் கலவரத்தை நடத்தியுள்ளனர்.

மே மாதம் 9 அன்றுமொடி கரஞ்சி பகுதியில் உள்ள முஸ்லிம்களின் வழிபட்டு தளத்தின் குடிநீர் இணைப்பு சட்டவிரோதமானது என்று கூறி அந்த பகுதி நகராட்சி ஆணையம் இணைப்பை துண்டித்தது. இது திட்டமிட்டே நடத்தப்பட்டது என்ற கருத்து அங்கு பரப்பட்ட நிலையில் அந்த பகுதியை சேர்ந்தவர்களுக்கு பிற சமூகத்தினருக்கும் இடையே சண்டை மூண்டது. இச்சண்டை பிறகு சுமூகமாக பேசி களையப்பட்ட நிலையில் இரு சமூக மக்களும் இணக்கமாக போய்விட்டனர்.

இந்த சந்தர்ப்பத்தை பயன்படுத்தி அங்கு கலவரத்தை நடத்த இந்துத்துவ அமைப்பினர் திட்டமிட்டனர். இதற்காக தீவர திட்டமிட்டு ஒரு கட்டமைக்கப்பட்ட கலவரத்தை நடத்த தொடங்கினர். மே 11 அன்று இரவு மொடி கரஞ்சி, ஷஹகனி, நவாப்புரா, ராஜாபஜார், குல்மந்தி என்று அவ்ரங்கபாத் முழுவதும் கலவரக்காரர்கள் நியமிக்கப்பட்டனர். அவர்களுக்கு தேவையான பெட்ரோல், மண்ணெண்ணெய், கற்கள், துப்பாக்கிகள், கூர்மையான ஆயுதங்கள் அங்காங்கே குவித்து வைக்கபட்டது. இந்த கலவரத்தை ஒருங்கிணைத்த சிவசேனா அன்றிரவு 11 மணிக்கு மொடி கரஞ்சி, ஷஹகனி, நவாப்புரா, ராஜாபஜார், குல்மந்தி பகுதிகளில் மின்சார இணைப்பை துண்டித்தது. பல மின் மாற்றி தாக்கி உடைக்கபட்டன. அந்த பகுதியில் இருந்த CCTV கேமராக்கள் அணைக்கப்பட்டன. இப்படி எந்த ஆதாரமும் கிடைத்து விடகூடாது என்று சிவசேனா கண்டிப்பாக இருந்தது.

மேல் குறிபிட்ட பகுதிக்குள் சென்ற கலவரக்காரர்கள் அங்கிருந்த வீடுகள், கடைகள், தளங்கள் என்று அனைத்தின் மீதும் தாக்குதல் நடத்தினர். கலவரத்தின் போது இந்துக்கள் பாதிப்படைய கூடாது என்று முன்பே மே 7 அன்று இந்து கடை வியாபாரிகளுக்கு சில நாட்கள் கடைகளை மூட சிவசேனா எச்சரிக்கை விடுத்தது. இருந்தபோதிலும் இந்து கடை வியாபாரிகள் அச்சாமல் முஸ்லிம் கடை வியாபாரிகளோடு சேர்ந்து காவல்நிலையம் சென்று மிரட்டல் விடுத்த சிவசேனாவின் லக்ஷிமி நாராயணன் பக்ரிய எனப்படும் லச்சு பஹெல்வான் மற்றும் அவனது கூட்டாளிகள்மீது புகார் அளித்தனர். இருந்தபோதும் காவல்துறை எந்த முன்னெச்சரிக்கை நடவடிக்கையும் எடுக்கவில்லை.

மே 11 நள்ளிரவு தொடங்கப்பட்ட அந்த கலவரம் முழு இரவும் தொடர்ந்து நடைபெற்றது. காலை 10 மணி வரை நீடித்த கலவரம் மிகப்பெரிய சேதத்தை முஸ்லிம் தரப்பிற்கு ஏற்படுத்தியது. முஸ்லிம்கள் மட்டுமல்லாமல் இந்துக்கள் சொத்துக்களும் சேதமடைந்துள்ளது. பெரும்பாலான CCTV கேமிராக்கள் அனைக்கபட்டபோதும் வீடுகளில் இருந்த, வணிக தளத்தில் இருந்த தனியாருக்கு சொந்தமான கேமிராக்களில் பதிவான வீடியோவில் கலவரம் எவ்வாறு கட்டமைக்கப்பட்டு  நடத்தப்பட்டது என்பது தெளிவாக பதிவாகியுள்ளது. மேலும் கலவரத்தில் சிவசேனாவின் முக்கிய தலைவர்கள் நேரடியாக களமிறங்கிருந்ததும் தெரியவந்தது. மேலும் அந்த பகுதி நாடாளுமன்ற உறுப்பினர் சந்திர காந்த் கைரே பல வீடியோவில் தெளிவாக பதிவாகியுள்ளார்.

மேலும் கலவரத்தில் கலந்துக்கொண்ட முன்னணி சிவசேனா தலைவர்களின் மகன்களை வழக்கில் இருந்து காப்பற்ற சந்திர காந்த் முயற்சித்தும் வருகிறார். இளம் தலைமுறை கலவரக்காரர்களை சிவசேனா இக்கலவரத்தில் களம