ராணுவ வீரர்களின் ரக்‌ஷாபந்தன் ரகளை!

சத்தீஸ்கர் மாநிலத்தின் தாந்தேவாடா பகுதியில் பால்னர் கிராமத்தில் ஒரு பெண்கள் பள்ளி உள்ளது. அங்கு 500 பழங்குடி பெண்கள் கல்வி கற்று வருகிறார்கள்.

கடந்த திங்கட்கிழமை இந்த பள்ளியில் ஒரு விழாவை திட்டமிட தாந்தேவாடா உதவி கலெக்டர் அங்கு வந்தார். 2017 ஜூலை 31 ஆம் தேதி CRPF வீரர்கள் 100 பேருடன் இந்த அதிகாரிகள் அந்த பள்ளிக்கு வந்தனர். இந்த பள்ளியில் உள்ள மாணவிகள் அங்கு வந்த CRPF வீரர்களுக்கு ரக்‌ஷா பந்தனை ஒட்டி ராக்கி கட்டும் விழா தான் அது.

இதை முழுவதும் வீடியோ எடுத்து அதை ஊடகங்களில் ஒளிபரப்புவதன் மூலம் பழங்குடி மக்கள் மத்தியில் அரசாங்கத்தின் CRPF வீரர்களுக்கு நன்மதிப்பு இருப்பதாக ஒரு தோற்றத்தை ஏற்படுத்துவது தான் இந்த திட்டத்தின் நோக்கம்.

இந்த நிகழ்ச்சியின் படப்பிடிப்பு அன்று நீண்ட நேரம் நடைபெற்றது. அந்த நேரம் அங்கு இருந்த மாணவிகளில் சிலர் பள்ளி வளாகத்தில் இருந்த கழிப்பறைக்குச் சென்றனர். அதை பார்த்த 5-6 CRPF வீரர்கள் அவர்களை பின்தொடந்தார்கள்.

கழிப்பறைக்கு வெளியே இந்த ஆண்கள் (CRPF வீரர்கள்) நிற்பதை அந்த பெண் குழந்தைகள் அசூயையாக உணர்ந்து எதிர்ப்பு தெரிவித்தனர். இந்த எதிர்ப்பை தொடர்ந்து CRPF வீரர்கள் “நாங்கள் உங்களை சோதனை போடவே கழிப்பறைக்கு வந்ததாக தெரிவித்தனர்”

சோதனை எனும் பெயரில் அந்த பெண்களின் மார்புகளை அழுத்துவது என பல அத்துமீறலில் அந்த CRPF வீரர்கள் ஈடுபட்டார்கள். இந்த பெண்கள் யாரும் சத்தம் போடக் கூடாது என்று மிரட்டினார்கள். பயத்தில் அந்த பெண்கள் உடன் மற்ற மாணவிகள் இருக்கும் இடம் நோக்கி விரைந்தனர்.

அன்று இரவு இந்த பெண்கள் விடுதி வார்டன் திரெளபதி சிங்கா அவர்களிடம் அன்று படப்பிடிப்பின் போது நடந்ததை முறையிட்டனர். உடன் வார்டன் மாவட்ட SP மற்றும் மாவட்ட கலெக்டருக்கு தகவல் கொடுத்தனர்.

அடுத்து நாள் காலை SP மற்றும் மாவட்ட கலெக்டர் பால்னர் கிராமத்திற்கு வந்தனர், அவர்கள் இந்த பெண்களை சந்தித்து விசாரிக்கவில்லை மாறாக இந்த பெண்களை CRPF முகாமிற்கு அழைத்துச் சென்றனர். அங்கு SP மற்றும் மாவட்ட கலெக்டர் இந்த பெண்களை இந்த விஷயத்தை வெளியே சொல்லக்கூடாது என்று உத்தரவிட்டார்கள் (மிரட்டினார்கள்).

ஆனாலும் பால்னர் கிராமம் முழுவதும் இந்த செய்தி அந்த நேரம் பரவியிருந்தது. இந்த தகவல் அறிந்து போராளி சோனி சோரி அந்த பள்ளிக்குச் சென்ற போது அந்த வளாகத்தில் பெரிய பூட்டு போடப்பட்டிருந்தது. அந்த வார்டன் ஒரு காவலாளியை போல் அங்கு அமர்ந்திருந்தார். ஒரு பெண் காவலரும் அங்கு இருந்தார். சமூக போராளிகள், பத்திரிக்கையாளர்கள் அங்கு வந்து இந்த பெண்களை சந்தித்துவிடாமல் இருக்கும் வகையில் காவல் அரண் அமைத்திருந்தர்கள். போராளி ஹிமான்சு தாக்குர் மற்றும் சோனி சோரி CRPF வீரர்களின் இந்த சில்லறைத்தனமான அத்துமீறல்களை வெளிக் கொணர்ந்தார்கள்.

இன்று வரை மாவட்ட கலெக்டரும், காவல்துறை கண்காணிப்பாளரும் இந்த விஷயத்தை மூடி மறைக்க எல்லா வேலைகளையும் செய்து வருகிறார்கள்.

ரக்‌ஷா பந்தன் தினத்தன்று செய்திகளில் இந்த நிகழ்ச்சியை ஒளிபரப்பினார்கள், மொத்த தேசமும் CRPF வீரர்களின் சகோதர பாசத்தை பார்த்து மகிழ்ந்தது