டாக்டர். ஆபியா சித்தீகி: கபட நாடகத்தின் பலிகடா

மெரிக்க போர்ப் படை வீரர்களை கொலை செய்ய முயற்சித்தார், தீவிரவாதிகளுடன் தொடர்பு வைத்திருந்தார் என்ற போலிக் குற்றச்சாட்டுகளின் அடிப்படையில் கைது செய்யப்பட்டு, அமெரிக்க சிறையில் அடைக்கப்பட்டவர் பாகிஸ்தான் நாட்டைச் சார்ந்த பெண் மருத்துவர் ஆபியா சித்தீகி. சிறையில் பல்வேறு சித்ரவதைகளுக்கு ஆளாக்கப்பட்டிருக்கும் ஆபியா சித்தீகி சிறையிலேயே மரணமடைந்தார் என்ற வதந்தி கடந்த மே 20ஆம் தேதி சமூக வலைதளங்களில் வேகமாகப் பரவியது. இதனைத் தொடர்ந்து உலகெங்கிலும் உள்ள முஸ்லிம்களும், மனித உரிமை ஆர்வலர்களும் பெரும் அதிர்ச்சிக்கு ஆளாகி, ஆபியா சித்தீகிக்கு தங்களது அனுதாபத்தையும், அமெரிக்காவின் அராஜகப் போக்கிற்கு தங்களது கண்டனத்தையும் பதிவு செய்தனர்.

ஆனால் ஆபியா சித்தீகியின் மரணம் தொடர்பான செய்தி எந்த செய்தி ஊடகத்திலும் வெளிவரவில்லை. அவரது குடும்பமும் மரணத்தை உறுதி செய்யவில்லை. இந்நிலையில் அமெரிக்காவுக்கான பாகிஸ்தான் தூதர் ஆயிஷா பாரூகி ஆபியா சித்தீகி அடைக்கப்பட்டிருந்த டெக்ஸாஸ் சிறைக்குச் சென்று அவர் மரணிக்கவில்லை என்பதை உறுதிசெய்தார். இதன் பின்னரே வதந்திக்கு முற்றுப் புள்ளி வைக்கப்பட்டது.

இந்நிலையில் தாலிபான் பிடியில் சிக்கி பின்னர் இஸ்லாத்தை ஏற்றுக் கொண்ட பிரிட்டிஷ் பெண் பத்திரிகையாளர் யுவான்னி ரிட்லி சமீபத்தில் ஆபியா சித்தீகி பற்றி எழுதிய கட்டுரை பல திடுக்கிடும் தகவல்களைத் தாங்கி வந்துள்ளது. உலகெங்கிலும் உள்ள முஸ்லிம்கள் ஆபியா சித்தீகிக்காக பிரார்த்தித்துக் கொண்டும், அவரது விடுதலைக்காகப் போராடிக் கொண்டும் இருக்கும் நேரத்தில் அவரது சொந்த நாட்டின் உளவுத் துறையே ஆபியாவின் விடுதலைக்கு எதிராகவும், முட்டுக் கட்டையாகவும் இருக்கும் செய்தி அனைவரையும் மிகுந்த அதிர்ச்சிக்குள்ளாக்கியுள்ளது.

யார் இந்த ஆபியா சித்தீகி?

02-03-1972 அன்று பாகிஸ்தானில் உள்ள கராச்சியில் பிறந்த ஆபியா சித்தீகியின் தந்தை முஹம்மது சலாய் சித்தீகி இங்கிலாந்தில் மருத்துவம் பயின்றவர். தாய் இஸ்மத் சமூகப் பணிகளில் பெரிதும் நாட்டம் கொண்டவர். மார்க்கத்தை கற்றுத் தரும் ஆசிரியையாகவும், நாடாளுமன்ற உறுப்பினராகவும் பணியாற்றியுள்ளார். அவரது மூத்த சகோதரியும் மருத்துவர் ஆவார். 1990ஆம் ஆண்டிலிருந்து அமெரிக்காவில் தனது குடும்பத்தினருடன் வசித்து வந்த ஆபியா மாஸ்சூசெட்ஸ் நிறுவனத்தில் உயிரியல் பட்டப் படிப்பில் சேர்ந்தார்.  பட்டப்படிப்பிற்குப் பின்பு 2001ஆம் ஆண்டு பிராண்டைஸ் பல்கலைக்கழகத்தில் பயின்று நரம்பியல் துறையில் டாக்டர் பட்டம் பெற்றார். டாக்டர் பட்டத்திற்குப் பின் சினாய் மருத்துவமனை பணியில் சேர்ந்தார். ஜோன் ஹோப்கிண்ட்ஸ் பல்கலைக்கழகத்தில் விரிவுரையாளராகவும் பணியாற்றினார். மருத்துவப் பணியோடு பல்வேறு சமூகப் பணிகளிலும் தன்னை ஈடுபடுத்திக் கொண்டார். தனது ஆய்விற்காக கரோல் வில்ஸன் விருதும் பெற்றார்.

நரம்பியல் தொடர்பான அவரது புதிய கண்டுபிடிப்புகள் அனைவரின் கவனத்தையும் ஈர்த்தன. அவரது ஆய்வுகளில் ஒன்றான நரம்புகளை செயல் இழக்கச் செய்யும் ரசாயனம் பற்றிய ஆராய்ச்சியே ஆபியாவின் மீது அமெரிக்க உளவுத் துறையின் பார்வை விழ காரணமாக அமைந்தது. அவரது கண்டுபிடிப்புகள் யாவும் அமெரிக்காவைத் தாண்டி வெளியில் சென்று விடக்கூடாது என்ற நோக்கத்தில் அவரைக் கண்காணிக்கத் தொடங்கியது. இதற்கிடையில் ஆபியாவிற்குத் திருமணமாகி மூன்று குழந்தைகளும் பிறந்திருந்தனர். ஆபியாவின் கணவர் அம்ஜத் முஹம்மது கான் அமெரிக்காவில் உள்ள மருத்துவமனையில் மருத்துவராகப் பணிபுரிந்தார்.

அமெரிக்காவின் சதி:

2002ஆம் ஆண்டு தனது மூன்று குழந்தைகளுடன் தனது சொந்த நாடான பாகிஸ்தான் நாட்டிற்குச் சென்ற ஆபியா 2003ஆம் ஆண்டு மார்ச் 30ஆம் கராச்சியிலிருந்து இஸ்லாமாபாத்தில் உள்ள தனது உறவினர் வீட்டிற்குச் செல்லும் வழியில் கடத்தப்பட்டார். கடத்தலுக்கும், தமக்கும் எந்தவித தொடர்பும் இல்லை என்பது பாகிஸ்தான் தரப்பு வாதம். ஆனால் ஆபியாவைக் கடத்திய கும்பலில் பாகிஸ்தானியரும், அமெரிக்கர்களும் இருந்தனர் என்று கூறுகிறார் கடத்தலின் போது உடனிருந்த ஆபியாவின் மகன் அஹமது.

நரம்பியல் ஆராய்ச்சியில் பாகிஸ்தான் நாட்டின் அடையாளமாகக் கருதப்பட்ட ஆபியா சித்தீகா கடத்தப்பட்ட  செய்தி அறிந்த பாகிஸ்தான் மக்கள் அவர் என்ன ஆனார்? எங்கு இருக்கிறார்? போன்ற தகவல்களைக் கேட்டு அரசிற்கு அழுத்தம் கொடுத்தனர். போராட்டங்கள், ஆர்ப்பாட்டங்கள் நடத்தப்பட்டன. ஆனால் பாகிஸ்தான் அரசு மக்களின் கோரிக்கை எதற்கும் செவிசாய்க்கவில்லை. அமெரிக்காவுடனான கள்ள உறவே பாகிஸ்தான் அரசின் மௌனத்திற்குக் காரணமாக இருந்தது.

ஆபியாவிற்கு என்ன ஆயிற்றோ? என்று அவரது உறவினர்களும், மக்களும்  தவித்துக் கொண்டிருந்த நேரத்தில் ஆப்கானிஸ்தான் நாட்டில் உள்ள பக்ரம் சிறையில் Prisoner 650 என்ற பெயரில் பெண் ஒருவர் சித்ரவதைக்கு உள்ளாக்கப்படுவதாக செய்தி வெளியானது. சிறைக் காவலர்களால் வன்புணர்வுக்கு ஆளாக்கப்பட்டும், மிகக் கடுமையான முறையில் தாக்கப்பட்டும் அப்பெண் தனது சுயநினைவை இழந்துள்ளதாக வந்த செய்திகள் பெரும் அதிர்வலைகளை ஏற்படுத்தின. அதன் காரணமாக உலக மீடியாக்களின் பார்வை பக்ரம் சிறையை நோக்கித் திரும்பியது. சிறையில் அடைக்கப்பட்டு கொடுமைப்படுத்தப்படும் அப்பெண் ஆபியாதான் என்று பாகிஸ்தான் ஜஸ்டிஸ் கட்சியின் தலைவர் இம்ரான் கான் பேட்டியளித்தார். பிரிட்டிஷ் மேலவை உறுப்பினராக இருந்த நஜீர் அஹமது சித்ரவதைக்கு ஆளாக்கப்படும் பெண் குறித்த கேள்வியை அவையில் எழுப்பினார்.

சொல்லொண்ணாத் துயரம்:

ஆபியா பக்ரம் சிறையில் அடைக்கப்பட்ட போது அது அவருக்கு சிறையாக அல்லாமல் வதைமுகாமாகவே இருந்தது. ஆபியா பெண்களுக்கான கழிவறையைப் பயன்படுத்த தடைவிதிக்கப்பட்டார். ஆண்களின் கழிவறையில் ஆண்களின்