ஸாலிஹ் யுகம்’ யெமனிய வரலாற்றில் கறுப்புப் பக்கங்களா ?

முன்னாள் யெமனிய ஜனாதிபதி அலி அப்துல்லாஹ் ஸாலிஹ் கடந்த திங்கட்கிழமை ஹூதி கிளர்ச்சியாளர்களால் படுகொலை செய்யப்பட்டதைத் தொடர்ந்து ஹூதி அன்சாருல்லாஹ் அமைப்பின் உயர் மட்டத் தலைவர் மொஹம்மத் அல்புகாதி ஊடகங்களுக்கு கருத்துத் தெரிவிக்கையில்,

சவூதி தலைமையிலான கூட்டுப்படையினரை எதிர்ப்பதில் ஸாலிஹ் யெமனுக்கு நேர்மையானவராக செயற்படவில்லை எனவும், சவூதியுடன் இரகசிய ஒப்பந்தங்களை அவர் மேற்கொண்டிருந்தார் எனவும் குற்றம்சாட்டியுள்ளார். ‘ஸாலிஹ் யுகம்’ யெமனிய வரலாற்றில் கறுப்புப் பக்கங்கள் என வர்ணித்துள்ளார்.
கடந்த வாரம் வரை யெமனின் முன்னாள் ஜனாதிபதி ஸாலிஹின் ஆதரவாளர்கள் ஹூதி போராளிகளுடன் இணைந்து யெமனில் சவூதி கூட்டுப்பைடைக்கு எதிராக போராடி வந்த நிலையில், ஹூதி அமைப்பினர் மற்றும் ஸாலிஹ் தரப்புக்கு மத்தியில் ஏற்பட்ட சடுதியான பிளவைத் தொடர்ந்து ஸாலிஹ் , ஹூதி அமைப்பினருக்கு எதிராக கடுமையான கருத்துக்களை முன்வைத்திருந்தார்.

யெமனில் ஹூதி போராளிகளுக்கு எதிராக தாக்குதல்களை மேற்கொண்டு வரும் சவூதி தலைமையிலான கூட்டணியுடன் பேச்சுவார்த்தைக்கு தாம் தயார் எனவும், யெமனின் பேரழிவுக்கு ஹூதி அமைப்பினரே ஒட்டுமொத்தக் காரணம் எனவும் பகிரங்க கருத்து வெளியிட்டிருந்தார்.

ஸாலிஹின் இச்சடுதி மாற்றம் ஹூதி அமைப்பினருக்கு கடும் சீற்றத்தை ஏற்படுத்தியதைத் தொடர்ந்து, ஸாலிஹ் தமக்கு நம்பிக்கைத் துரோகம் செய்து விட்டதாகக் குற்றம் சாட்டி ஹூதி போராளிகள் கடந்த திங்கட்கிழமை அவரை படுகொலை செய்தனர்.

யார் இந்த ஸாலிஹ் :
******************************
மத்திய கிழக்கின் வறிய நாடான யெமனில், மூன்று தசாப்த காலமாக நிலவி வந்த அலி அப்துல்லாஹ் சாலிஹின் ஆட்சிக்கு எதிராக 2011 இல் மாபெரும் மக்கள் புரட்சி வெடித்தது.

1978 ஆம் ஆண்டு தொடக்கம் ஆட்சி புரிந்து வந்த அப்துல்லாஹ் ஸாலிஹின் சுயநலப் போக்கினாலும் சீரற்ற நிர்வாகத் திறன் காரணமாகவும் யெமனில் வறுமையும் வேலையில்லாத் திண்டாட்டமும் தலைவிரித்தாடியது. 2011 இன் ஆரம்பப் பகுதிகளில், வெகுண்டெழுந்த மக்கள் ஆயிரக்கணக்கில் யெமனிய வீதிகளில் சாலிஹின் ஆட்சிக்கு எதிராக திரண்டனர். புரட்சி வலுக்கவே சாலிஹின் பதவி நீக்கமும் புதிய அரசியலமைப்பும் மக்களின் கோரிக்கையாக உருவெடுத்தது.

பணவீக்கம் வேலைவாய்ப்பின்மையும் அதிகரித்துச் செல்ல, யெமனிய பொருளாதாரம் மிக கீழ் மட்டத்தில் இருந்த காலப்பகுதி அது.
2015 இல் வெளியிடப்பட்ட ஐ.நாவின் அறிக்கையின் பிரகாரம் அதிகாரத் துஷ்பிரயோகம், சுரண்டல், ஊழல் காரணமாக அப்துல்லாஹ் ஸாலிஹ் 60 பில்லியன் அமெரிக்க டொலர்கள் பெறுமதியான அரச சொத்துக்களை மோசடி செய்துள்ளார் என மதிப்பிடப்பட்டுள்ளது. யெமனின் பொருளாதார சீர்குலைவை அடுத்து பட்டினிச் சாவுகள் அதிகரிக்கவே, அயல்நாடுகளின் மனிதாபிமான நிவாரண பொருட்களையே நம்பி மக்கள் வாழ்ந்து வந்தனர்.

சனா போராட்டங்கள் :

2011 இன் ஆரம்ப கட்டங்களில் யெமன் தலைநகர் சனாவில் அப்துல்லாஹ் சாலிஹின் ஆட்சிக்கு எதிராக மாணவர்களால் வழிநடாத்தப்பட்ட போராட்டங்கள் படிப்படியாக வலுப்பெற்று ஏதென் மற்றும் தாய்ஸ் என நாடு முழுதும் பரவியது. போராட்டங்களின் உக்கிரம் அதிகரிக்கவே கிளர்ச்சியாக உருப்பெற்று நூற்றுக்கணக்கானோர் கொல்லப்பட்டனர்.

அப்துல்லாஹ் ஸாலிஹின் அரசு ஈவிரக்கம் பாராது போராட்டத்தில் ஈடுபட்ட பொதுமக்களை படுகொலை செய்ததைத் தொடர்ந்து அரச ஊழியர்கள் கொதித்தெழுந்தனர். யெமனிய இராணுவ உயர் மட்டத் தலைமைகள், அமைச்சர்கள் உள்ளிட்ட அரச நிர்வாகத்தினர் பெருவாரியாக இராஜினாமா செய்யத் தொடங்கினர். அரச இயந்திரம் கவிழ்ந்து போகவே வேறு வழியில்லாது இறுதியில் 2011 மார்ச் மாதம் தான் பதவி விலகிக் கொள்வதாக அப்துல்லாஹ் ஸாலிஹ் அறிவித்திருந்தார்.

எனினும், அடுத்த ஒரு மாத காலத்தினுள் ஸாலிஹ் தனது நிலைப்பாட்டை மாற்றிக் கொண்டார். பதவி விலக மறுத்தார். இந்நிலையில் தலையிட்ட வளைகுடா ஒத்துழைப்புக் கவுன்சில் சாலிஹின் குற்றங்களுக்கு பொதுமன்னிப்பு வழங்கப்பட்டு, எதிர்த்தரப்பு சாலிஹின் கட்சியுடன் கூட்டணி அமைத்து ஒருசேர இயங்குவதற்கான உடன்படிக்கையொன்றை முன்வைத்தது. பல்வேறு தயக்கங்களின் பின்னர் எதிர்த்தரப்பு இத்தீர்வுக்கு ஒத்துக் கொண்டபோதும் ஸாலிஹ் தெளிவாகவே மறுத்து வந்தார். இது நாட்டில் ஏற்பட்டிருந்த கிளர்ச்சியை மேலும் தூண்டுவதாக அமைந்தது.

தோல்வியுற்ற அரசியல் திடீர் மாற்றம் :
******************************************************
இறுதியில் உக்கிரமடைந்த ஆர்ப்பாட்டங்களினால் நிலைகுலைந்து போன ஸாலிஹ் தனது ஜனாதிபதி பதவியை துணை ஜனாதிபதியாக கடமையாற்றி வந்த மன்சூர் ஹாதியிடம் தற்காலிகமாக கையளிக்க வேண்டிய நிர்ப்பந்த நிலைக்கு ஆளாக்கப்பட்டார். சாலிஹின் ஆட்சியின்போது வளர்த்துவிடப்பட்டிருந்த வேலைவாய்ப்பின்மை, பட்டினி சாவுகள், தற்கொலைத் தாக்குதல்கள் மற்றும் தெற்கில் தோன்றியிருந்த பிரிவினைவாத அமைப்புக்களின் தோற்றம் என்பன காரணமாக இந்த அரசியல் சடுதி மாற்றம் கூட பெரிதளவில் கைகூடாது போனது.

2012 ஜனாதிபதி தேர்தலில் மன்சூர் ஹாதி தனித்து போட்டியிட்டார். எனினும்,ஷியா ஹூதி உள்ளிட்ட எதிர்த்தரப்பினர் அத்தேர்தலை புறக்கணித்தனர். சர்வதேச ஆதரவுடன் இடம்பெற்றிருந்த அபிப்பிராய வாக்கெடுப்பு போன்றதொரு தேர்தலில் 65 சதவீத மக்கள் ஆதரவுடன் மன்சூர் ஹாதி